Madridning «Atletiko» klubi ustozi Diyego Simeone Ispaniya Kubogi yarim finalining dastlabki uchrashuvi oldidan «Barselona»dagi muammolar haqidagi savolga javob berdi.

«Matraschilar» uchun o‘z maydonidagi «ko‘k-anorranglilar»ga qarshi bahs bugun bo‘lib o‘tadi va Toshkent vaqti bilan tungi soat 01:00 da boshlanadi.

«Barsa»ning jarohatlangan o‘yinchilari? Rostini aytsam, men bu haqda o‘ylayotganim yo‘q. Men o‘z jamoamiz — Barriosning yo‘qligi bizga qanchalik ta’sir qilayotgani haqida o‘ylayapman. Bundan tashqari, ayrim futbolchilar so‘nggi paytlarda o‘zlarining eng yaxshi o‘yinlarini ko‘rsata olishmayapti. Biz bor e’tiborimizni o‘zimizga va bo‘lajak o‘yin uchun tuzilgan rejamizga qaratishimiz kerak», — dedi Simeone matbuot anjumanida.

Javob uchrashuvi 3 mart kuni Kataloniya klubi maydonida bo‘lib o‘tadi.