«Nottingem Forest» 2025/2026 yilgi mavsumda bir yo‘la 4 ta bosh murabbiy tomonidan boshqarilgan APL tarixidagi ilk jamoaga aylanadi.

Avvalroq Angliya chempionati tarixida bunday holat kuzatilmagan edi.

Sentyabr oyida klub rahbariyat bilan kelishmovchiliklar tufayli Nunu Eshpiritu Santu bilan xayrlashgan edi. Oktyabr oyidayoq jamoa bilan bor-yo‘g‘i sakkizta o‘yinda ishlagan Anje Postekoglu bosh murabbiylik lavozimini tark etdi. Fevral oyida esa jamoani 114 kun boshqargan va 25 ta uchrashuvda o‘nta g‘alabaga erishgan Shon Daych iste’foga chiqarildi, biroq bu natija klub rahbariyatini qoniqtirmadi.

Mavsum yakuniga qadar jamoani boshqarishga rozi bo‘lgan Vitor Pereyra «Nottingem Forest»ning yangi bosh murabbiyiga aylanadi. Shu tariqa, portugaliyalik mutaxassis joriy APL mavsumida klubning to‘rtinchi ustozi bo‘ladi, bu esa chempionat uchun misli ko‘rilmagan hodisadir.

Kadrlar almashinuvi turnir jadvalidagi og‘ir vaziyat fonida yuz bermoqda. 25 turdan so‘ng «Nottingem Forest» jadvalda 17-o‘rinni egallab turibdi va xavfli zonadan bor-yo‘g‘i uch ochko oldinda.