Milanning "Inter" klubi yarim himoyachisi Pyotr Zelinski "Yuventus" bilan bo‘lgan uchrashuv yakunlari haqida to‘xtaldi. A Seriyaning 25-tur bahsi "neradzurrilar"ning 3:2 hisobidagi g‘alabasi bilan yakunlandi, polshalik futbolchi esa o‘yin so‘ngida g‘alaba golini kiritishga muvaffaq bo‘ldi.

"Gol urish — bu juda muhim, ammo butun jamoa yaxshi o‘ynadi va bunga loyiq edi. Biz g‘alabadan zavqlanyapmiz, katta ish amalga oshirildi", — deya futbolchining so‘zlarini keltirmoqda "Sky Sport Italia".

"Biz javob to‘pini o‘tkazib yuborgan vaziyatdagi kabi holatlardan qochishimiz kerak. Pioning ajoyib goli evaziga oldinga chiqib olgandik, keyin esa diqqatni jamlashda biroz sustlikka yo‘l qo‘ydik, ammo eng muhimi — biz g‘alaba qozondik", — deya qo‘shimcha qildi Zelinski.

"Inter" turnir jadvalida 61 ochko bilan birinchi o‘rinda bormoqda.