Миланнинг "Интер" клуби ярим ҳимоячиси Пётр Зелиньски "Ювентус" билан бўлган учрашув якунлари ҳақида тўхталди. А Сериянинг 25-тур баҳси "нерадзуррилар"нинг 3:2 ҳисобидаги ғалабаси билан якунланди, польшалик футболчи эса ўйин сўнгида ғалаба голини киритишга муваффақ бўлди.
"Гол уриш — бу жуда муҳим, аммо бутун жамоа яхши ўйнади ва бунга лойиқ эди. Биз ғалабадан завқланяпмиз, катта иш амалга оширилди", — дея футболчининг сўзларини келтирмоқда "Sky Sport Italia".
"Биз жавоб тўпини ўтказиб юборган вазиятдаги каби ҳолатлардан қочишимиз керак. Пионинг ажойиб голи эвазига олдинга чиқиб олгандик, кейин эса диққатни жамлашда бироз сустликка йўл қўйдик, аммо энг муҳими — биз ғалаба қозондик", — дея қўшимча қилди Зелиньски.
"Интер" турнир жадвалида 61 очко билан биринчи ўринда бормоқда.
