«Barselona»ning chap qanot himoyachisi Jerar Martin «Milan»ning transfer nishoniga aylandi.
«Rossonerilar»ning 23 yoshli futbolchiga bo‘lgan qiziqishi haqidagi ma’lumotlar shu kunlarda paydo bo‘lgan edi. Endilikda bu ma’lumotlarni mashhur insayderlar Fabrisio Romano va Matteo Moretto tasdiqlashdi. Italiya klubi ispaniyalik futbolchi bilan shartnoma imzolash imkoniyatini jiddiy ko‘rib chiqmoqda, biroq uni qo‘lga kiritish oson bo‘lmaydi, chunki bosh murabbiy Xans-Diter Flik unga ishonch bildirmoqda.
Transfermarkt portali ekspertlari Jerar Martinning narxini 20 mln yevroga baholamoqdalar. O‘tgan yilning yanvar oyida futbolchi Kataloniya grandi bilan shartnomasini 2027/28 yilgi mavsum oxirigacha uzaytirgan edi.













