«Барселона»нинг чап қанот ҳимоячиси Жерар Мартин «Милан»нинг трансфер нишонига айланди.
«Россонерилар»нинг 23 ёшли футболчига бўлган қизиқиши ҳақидаги маълумотлар шу кунларда пайдо бўлган эди. Эндиликда бу маълумотларни машҳур инсайдерлар Фабрицио Романо ва Маттео Моретто тасдиқлашди. Италия клуби испаниялик футболчи билан шартнома имзолаш имкониятини жиддий кўриб чиқмоқда, бироқ уни қўлга киритиш осон бўлмайди, чунки бош мураббий Ханс-Дитер Флик унга ишонч билдирмоқда.
Transfermarkt портали экспертлари Жерар Мартиннинг нархини 20 млн еврога баҳоламоқдалар. Ўтган йилнинг январь ойида футболчи Каталония гранди билан шартномасини 2027/28 йилги мавсум охиригача узайтирган эди.
