UFC Shon-sharaf zali a’zosi Xabib Nurmagomedov yengil vazn toifasida amaldagi tashkilot chempioni Islom Maxachevning keyingi jangi borasidagi rejalar bilan o‘rtoqlashdi. Xabibning ta’kidlashicha, Maxachevning oktagonga qaytishi Ramazon oyidan keyinga mo‘ljallanmoqda.
«Maxachev Ramazondan keyin jang qiladi, yana ham aniqrog‘i, u iyun yoki iyul oylarida oktagonga qaytishi mumkin. Biz ayni damda bu bo‘yicha muzokaralar olib boryapmiz», — deya Xabibning so‘zlarini keltirmoqda Red Corner MMA.
Islom Maxachev o‘zining so‘nggi jangini o‘tgan yilning 15 noyabr kuni UFC 322 turniri doirasida o‘tkazgan edi. O‘shanda u avstraliyalik Jek Della Maddalenaga qarshi bahs olib borib, hakamlarning yakdil qaroriga ko‘ra g‘alaba qozongandi.
