Italiyaning «Milan» klubi ustozi Massimiliano Allegri jamoa yarim himoyachisi Luka Modrichni yuqori baholaydi. Xorvatiyalik futbolchi o‘tgan yozda Madridning «Real» klubidan «Milan»ga ko‘chib o‘tdi va tez fursatda italiyalik muxlislar e’tirofiga sazovor bo‘ldi. Allegri Modrichning futboldagi «umri boqiyligi» siri nimada ekanligini so‘zlab berdi.
«Uning siri shundaki, u intuitiv futbol o‘ynaydi. U o‘ziga nisbatan juda talabchan — agar biror narsa o‘xshamasa, o‘zidan jahli chiqadi. Shu bilan birga, uning vazminligi kiyinish xonasini u bilan baham ko‘radigan jamoadoshlariga ishonch bag‘ishlaydi», — deya «Milan» ustozining so‘zlarini keltirmoqda pianetamilan.it.
Hozirda klub Italiya chempionati turnir jadvalida ikkinchi o‘rinni egallab turibdi.
