Италиянинг «Милан» клуби устози Массимилиано Аллегри жамоа ярим ҳимоячиси Лука Модрични юқори баҳолайди. Хорватиялик футболчи ўтган ёзда Мадриднинг «Реал» клубидан «Милан»га кўчиб ўтди ва тез фурсатда италиялик мухлислар эътирофига сазовор бўлди. Аллегри Модричнинг футболдаги «умри боқийлиги» сири нимада эканлигини сўзлаб берди.

«Унинг сири шундаки, у интуитив футбол ўйнайди. У ўзига нисбатан жуда талабчан — агар бирор нарса ўхшамаса, ўзидан жаҳли чиқади. Шу билан бирга, унинг вазминлиги кийиниш хонасини у билан баҳам кўрадиган жамоадошларига ишонч бағишлайди», — дея «Милан» устозининг сўзларини келтирмоқда pianetamilan.it.

Ҳозирда клуб Италия чемпионати турнир жадвалида иккинчи ўринни эгаллаб турибди.