"Bavariya" markaziy himoyachisi Kim Min Je Myunxen klubini tark etishi mumkin.

Avvalroq, futbolchiga Angliya premyer-ligasining ikki klubi qiziqish bildirayotgani haqida xabarlar tarqalgan edi.

SPORT BILD’ga ma’lum bo‘lishicha, "Bavariya" sport direktori Maks Eberl o‘tgan yozdayoq Kim Min Jening atrofidagilarga agar yaxshi taklif bo‘lsa, klub u bilan xayrlashishga tayyorligini aytgan. "Bavariya"ning pozisiyasi o‘zgarmadi. Biroq, futbolchining o‘zi Myunxenda o‘zini juda qulay his qilayotgani va hozirgi rolini qabul qilayotgani ta’kidlanmoqda.

Joriy mavsumda 29 yoshli janubiy koreyalik futbolchi barcha musobaqalarda 23 ta uchrashuvda maydonga tushib, 1 ta gol urdi va 1 ta golli uzatmani amalga oshirdi.