"Бавария" марказий ҳимоячиси Ким Мин Же Мюнхен клубини тарк этиши мумкин.
Аввалроқ, футболчига Англия премьер-лигасининг икки клуби қизиқиш билдираётгани ҳақида хабарлар тарқалган эди.
SPORT BILD’га маълум бўлишича, "Бавария" спорт директори Макс Эберл ўтган ёздаёқ Ким Мин Женинг атрофидагиларга агар яхши таклиф бўлса, клуб у билан хайрлашишга тайёрлигини айтган. "Бавария"нинг позицияси ўзгармади. Бироқ, футболчининг ўзи Мюнхенда ўзини жуда қулай ҳис қилаётгани ва ҳозирги ролини қабул қилаётгани таъкидланмоқда.
Жорий мавсумда 29 ёшли жанубий кореялик футболчи барча мусобақаларда 23 та учрашувда майдонга тушиб, 1 та гол урди ва 1 та голли узатмани амалга оширди.
