Angliyalik sobiq futbolchi Alan Smit Londonning "Arsenal" jamoasi Angliya Premyer-ligasida safarda "Vulverxempton" bilan o‘yinda ochko yo‘qotganiga munosabat bildirdi. Ushbu uchrashuv 2:2 hisobida durang bilan yakunlandi.
"Ko‘rinishidan, burilish nuqtasi yetib keldi. Endi hammasi "Manchester Siti" qo‘lida. Autsayderga qarshi ikki to‘p farqi bilan oldinda bo‘lib, g‘alabani qo‘ldan chiqarib yuborish mumkin emas. Bu “kanonirlar” uchun qabul qilib bo‘lmaydigan holat. Ko‘pchilik "Arsenal"ni ajoyib tarkibga ega dunyoning eng yaxshi jamoasi deb atayapti. Ammo sizda sovuqqonlik va natijaga erishish qobiliyati bo‘lmasa, buning ahamiyati yo‘q", — dedi Smit, Sky Sport nashriga tayanib.
Hozirda "Arsenal" "Manchester Siti"dan besh ochko oldinda bormoqda, ammo Xosep Gvardiola jamoasida yana bir zaxira o‘yini bor.
