Vinisius Juniorning yaqinlari "Osasuna"ga qarshi o‘yinda sodir bo‘lgan voqealarga munosabat bildirishdi.
La Liganing 25-turidan o‘rin olgan bahs Pamplona jamoasining 2:1 hisobidagi g‘alabasi bilan yakunlandi. O‘yin davomida "Osasuna" muxlislari Vinisiusni hushtaklar bilan kutib olishdi va uni "ahmoq" deb atashdi, shuningdek, "Vinisiusga sohil to‘pini bering" deya hayqirishdi.
O‘yindan so‘ng La Liga mezbon muxlislar tomonidan aytilgan "Vinisius, o‘l" degan hayqiriqlar eshitilgan videoyozuvlarni ham o‘rganayotganini ma’lum qildi.
Braziliyalik vingerga yaqin bo‘lgan manbalarning ta’kidlashicha, ular bu voqealardan "xafa bo‘lishgan, ammo bundan hayratda emaslar", deb yozadi "The Athletic".
Avvalroq La Liga 2021 yilning oktyabr oyidan buyon "Real" futbolchisiga nisbatan irqchilik negizida 26 ta kamsitish holati qayd etilganini xabar qilgan edi. Vinisius Ispaniyaning 10 ta stadionida bunday munosabatga duch kelgan.
