Payshanba kuni Yevropa ligasida "Nottingem Forest" va "Fenerbaxche" jamoalari o‘rtasida javob uchrashuvi bo‘lib o‘tdi. Turkiyadan kelgan mehmonlar 2:1 hisobida g‘alaba qozonishdi, biroq o‘z uylaridagi birinchi o‘yinda 0:3 hisobida mag‘lub bo‘lishgani sababli musobaqani tark etishdi.
Ijtimoiy tarmoqlarda "Siti Graund" stadionidan olingan suratlar tarqaldi. Ularda mehmonlar sektoridagi ko‘plab o‘rindiqlar sindirib tashlanganini ko‘rish mumkin. Ko‘rinishidan, "Fenerbaxche" muxlislari jamoaning musobaqadan chiqib ketganidan g‘azablanib, alamlarini o‘rindiqlardan olishgan.
Endilikda Turkiya klubi yetkazilgan zararni qoplab berishiga to‘g‘ri kelishi ehtimoli katta. Agar barcha zararlar qayd etilgan bo‘lsa, yakuniy qarorni UEFA qabul qiladi.
