«Bavariya» yarim himoyachisi Leon Goretskaga «Inter», «Milan» va «Yuventus» klublari qiziqish bildirmoqda.

Italiyaning top-klublari 31 yoshli germaniyalik futbolchi bilan mavsum yakunida, u erkin agentga aylanganidan so‘ng shartnoma imzolash imkoniyatini ko‘rib chiqishmoqda.

Goretskaning o‘zi esa A Seriya variantlarini faqatgina APLga o‘tish rejasi amalga oshmay qolgan taqdirdagina ko‘rib chiqadi. Ayni damda Angliyada unga «Arsenal» da’vogarlik qilmoqda. «To‘pchilar» yarim himoyachini hali yanvar oyidayoq sotib olishga urinib ko‘rishgan edi, biroq futbolchi «Bavariya» rahbariyatiga shartnomasini oxirigacha yetkazib qo‘yishga va’da bergan.

Shuningdek, Goretskaga «Tottenxem» ham qiziqish bildirmoqda, ammo futbolchi faoliyatini Chempionlar ligasida ishtirok etadigan klubda davom ettirish niyatida va ko‘proq «Arsenal» variantiga moyillik bildirmoqda.

Germaniya Bundesligasining joriy mavsumidagi 21 ta uchrashuvda Goreska o‘z hisobiga 2 ta gol yozdirib qo‘ydi.