«Manchester Yunayted» murabbiylar bozorini faol o‘rganmoqda. The Touchline nashri jurnalist Ben Jeykobsga tayanib xabar berishicha, «qizil iblislar» ayni damda asosan uchta nomzodni ko‘rib chiqishmoqda.
Ushbu qisqa ro‘yxatdan (short-list) quyidagi mutaxassislar o‘rin olgan:
-
Yulian Nagelsmann (Germaniya terma jamoasi)
-
Roberto Martines (Portugaliya terma jamoasi)
-
Roberto de Dzerbi (hozirda jamoasiz)
Shuningdek, manbaning ta’kidlashicha, Karlo Anchelotti (Braziliya terma jamoasi) va Tomas Tuxel (Angliya terma jamoasi) nomzodlari hozirda mankunianliklar tomonidan ko‘rib chiqilayotgani yo‘q.
2025/2026 yilgi mavsumni «Manchester Yunayted» vaqtinchalik murabbiy Maykl Karrik bilan yakunlaydi. Eslatib o‘tamiz, kuni kecha jamoa safarda «Nyukasl»ga 1:2 hisobida imkoniyatni boy berdi.
