Madridning "Real" klubi bo‘lajak transfer oynasida tarkibini jiddiy ravishda kuchaytirib olishi mumkin.

"Qirollik klubi" rahbariyati muammoli pozisiyalarni mustahkamlash uchun katta miqdorda mablag‘ ajratishga tayyor. Jurnalist Alberto Pereyroning xabar berishicha, asosiy maqsad sifatida "Manchester Siti" yarim himoyachisi Rodri va Dortmundning "Borussiya" klubi markaziy himoyachisi Niko Shlotterbek belgilangan. "Real" transfer byudjetining dastlabki 100 million yevrosini aynan ushbu futbolchilar uchun sarflamoqchi. Keyingi xaridlar esa futbolchilarning sotuvidan tushadigan mablag‘ga bog‘liq bo‘ladi.

Transfermarkt portali 29 yoshli Rodrining narxini 75 million yevroga, 26 yoshli Shlotterbekni esa 55 million yevroga baholamoqda.