"Barselona" prezidenti Joan Laporta yangi futbolchilarni sotib olishga bo‘lgan yondashuvi haqida gapirib berdi.

"Yangi futbolchi sotib olish uchun hech qachon aqldan ozgancha ish tutmagan bo‘lardim. Men faqat allaqachon safimizda to‘p surayotganlar uchungina aql bovar qilmaydigan ishlarni qilishga tayyorman. Hozirgi tarkibimiz — har qanday qurbonlikka loyiq bo‘lgan xazinadir. Boshqa klublarning o‘yinchilariga kelsak — hech qanday telbaliklarga yo‘l qo‘yilmaydi", — dedi Laporta Mundo Deportivo nashriga bergan intervyusida.

Hozirgi vaqtda "Barselona" La Liga turnir jadvalida peshqadamlik qilmoqda va 26 turdan so‘ng Madridning "Real" klubini to‘rt ochkoga ortda qoldirmoqda. Shanba kuni, 7 martda, Xans-Diter Flik shogirdlari safarda "Atletik" Bilbaoga qarshi bahs olib borishadi.