Avvalroq, Angliya Premyer-ligasining yetakchi klublari «Aston Villa» yarim himoyachisi Morgan Rodjersning xizmatlariga qiziqish bildirayotgani haqida xabar berilgan edi.

Futbolchining ismi «Chelsi», «Manchester Siti», «Liverpul» va «Arsenal» kabi jamoalar bilan bog‘lanmoqda. «Football Insider» nashrining yozishicha, «Aston Villa» Rodjers uchun rasmiy narxni belgiladi.

Birmingemliklar o‘z yarim himoyachisini yozgi transfer oynasi vaqtida qo‘yib yuborishlari uchun taklif etiladigan summa 100 million funt sterlingni tashkil etishi kerak.

Joriy mavsumda Morgan Rojers «Aston Villa» safida APL doirasida 29 ta o‘yinda maydonga tushdi. Ushbu bahslarda futbolchi 8 ta gol urishga va 5 ta golli uzatmani amalga oshirishga muvaffaq bo‘ldi.