Fransiya chempionatining 25-turi doirasida bo‘lib o‘tgan mehmondagi o‘yinda «Parij» jamoasi «Lion» bilan 1:1 hisobida durang o‘ynadi.
Uchrashuvning 63-daqiqasida mehmonlar yarim himoyachisi Marshall Munetsi gol urib, hisobni ochdi. 90+6-daqiqada esa «Lion» xavbeki Korenten Tolisso penaltini aniq amalga oshirib, muvozanatni tikladi.
Bu natija orqali «Lion» barcha musobaqalardagi ketma-ket uchta mag‘lubiyatdan iborat seriyasiga chek qo‘ydi. Jamoa 25 ta o‘yindan so‘ng 46 ochko bilan Fransiya chempionati turnir jadvalida to‘rtinchi o‘rinni egallab turibdi. «Parij» esa 13-pog‘onadan joy olgan — jamoa hisobida 25 ta o‘yindan keyin 27 ochko mavjud.
Fransiya Liga 1. 25-tur
«Lyumyer», Lion
«LION» — «PARIJ» — 1:1
Gollar: Munetsi 63 (0:1), Tolisso 90+6 — penaltidan (1:1).
«Lion»: Greyf, Niakate, Mata, Talyafiko (Tolisso, 58), Xatebur, Morton, Tessmann (Narti, 65), Mera (Yaremchuk, 58), Abner, Karabes (Endrik, 65), Ximbert (Xamdani, 82).
«Parij»: Trapp, Mbou, Koppola, Sangyui, Kamara, Le Melu, Matondo (Marketti, 87), Munetsi (Ollila, 90+1), Saymon (Gori, 73), Ikone (Koleosho, 73), Krasso (Immobile, 73).
Ogohlantirishlar: Morton (27), Talyafiko (50).
