"Barselona"ning sobiq murabbiyi Xavi Ernandes Xans-Diter Flik bilan munosabatlari haqida gapirdi.

Germaniyalik mutaxassis 2024 yilda ispaniyalik murabbiy ishdan bo‘shatilganidan so‘ng "Barselona" bosh murabbiyi lavozimini egalladi.

"Men Flikdan klub men hali ham bosh murabbiy bo‘lib ishlayotgan paytimda rahbariyat u bilan muzokara olib borganmi, deb so‘radim. Bir necha hafta davomida ular mendan qutulishga qaror qilishganidan bexabar edim. Buni hech kim yuzimga aytmadi.

Flik mendan uzr so‘radi. Biz ikki soatdan ko‘proq suhbatlashdik - bu ajoyib edi. Flik yaxshi inson, juda olijanob. Hammasi uning uchun yaxshi bo‘lganidan xursandman", - deya Xavining so‘zlarini keltiradi Barca Universal.