"Барселона"нинг собиқ мураббийи Хави Эрнандес Ханс-Дитер Флик билан муносабатлари ҳақида гапирди.
Германиялик мутахассис 2024 йилда испаниялик мураббий ишдан бўшатилганидан сўнг "Барселона" бош мураббийи лавозимини эгаллади.
"Мен Фликдан клуб мен ҳали ҳам бош мураббий бўлиб ишлаётган пайтимда раҳбарият у билан музокара олиб борганми, деб сўрадим. Бир неча ҳафта давомида улар мендан қутулишга қарор қилишганидан бехабар эдим. Буни ҳеч ким юзимга айтмади.
Флик мендан узр сўради. Биз икки соатдан кўпроқ суҳбатлашдик - бу ажойиб эди. Флик яхши инсон, жуда олижаноб. Ҳаммаси унинг учун яхши бўлганидан хурсандман", - дея Хавининг сўзларини келтиради Barca Universal.
