"Chelsi" yarim himoyachisi Enso Fernandes hamon "Pari Sen-Jermen"ning qiziqishlar doirasida qolmoqda.
Argentinalik futbolchining "ko‘klar" bilan shartnomasi 2032 yilgacha mo‘ljallangan, biroq uning tez orada jamoani tark etishi istisno etilmaydi. L'Equipe nashri ma’lumotlariga ko‘ra, Enso Mareskaning iste’foga chiqarilishidan so‘ng yarim himoyachining "Chelsi"dagi uzoq muddatli kelajagi shubha ostida qoldi — bu qaror futbolchining hafsalasini pir qilgan. Agar jamoa Chempionlar ligasiga yo‘llanma ololmasa, Fernandes kelayotgan yozda klubdan ketish haqida jiddiy o‘ylab ko‘rishi mumkin. Katta ehtimol bilan, agar foydali taklif tushsa, London klubi rahbariyati muzokaralarga tayyor bo‘ladi.
"PSJ" allaqachon Enso Fernandesning o‘zi bilan aloqa o‘rnatgan. Shuningdek, 25 yoshli o‘yinchiga Madridning "Real" klubi ham qiziqish bildirayotgani aytilmoqda.
