Jurnalist Janluka di Marsio «Borussiya Dortmund» hujumchisi Seru Girassining A Seriya grandlariga o‘tish ehtimolini baholadi.

«Menimcha, «Milan» unga qiziqish bildirishi mumkin, chunki yanvar oyida Mateta bilan kelishuv amalga oshmay qolganidan keyin ular albatta yana bir hujumchi sotib olishadi. Girassi esa muqobil variantlardan biri bo‘lishi mumkin. U «Borussiya»ga o‘tishidan oldin ham «Milan» bilan bog‘langan edi va klubga juda yoqqandi.

«Yuventus»ning rejalari Vlaxovichga va uning shartnomani uzaytirish-uzaytirmasligiga bog‘liq. Shartnomasi tugayotgan futbolchilar haqida gapirganda, Vlaxovichni ham yodda tutishimiz kerak. Hozirda uning vakillari «Yuventus» bilan yangi kelishuv bo‘yicha muzokaralar olib bormoqda. Agar ular shartnomani uzaytirishmasa, Girassi «Yuventus» uchun asosiy variantga aylanishi mumkin», — dedi Di Marsio.

Ma’lumot uchun, Girassi Bundesliganing joriy mavsumidagi 24 ta o‘yinda 12 ta gol urdi va 1 ta golli uzatmani amalga oshirdi.