Журналист Жанлука ди Марцио «Боруссия Дортмунд» ҳужумчиси Серу Гирассининг А Серия грандларига ўтиш эҳтимолини баҳолади.
«Менимча, «Милан» унга қизиқиш билдириши мумкин, чунки январь ойида Матета билан келишув амалга ошмай қолганидан кейин улар албатта яна бир ҳужумчи сотиб олишади. Гирасси эса муқобил вариантлардан бири бўлиши мумкин. У «Боруссия»га ўтишидан олдин ҳам «Милан» билан боғланган эди ва клубга жуда ёққанди.
«Ювентус»нинг режалари Влаховичга ва унинг шартномани узайтириш-узайтирмаслигига боғлиқ. Шартномаси тугаётган футболчилар ҳақида гапирганда, Влаховични ҳам ёдда тутишимиз керак. Ҳозирда унинг вакиллари «Ювентус» билан янги келишув бўйича музокаралар олиб бормоқда. Агар улар шартномани узайтиришмаса, Гирасси «Ювентус» учун асосий вариантга айланиши мумкин», — деди Ди Марцио.
Маълумот учун, Гирасси Бундеслиганинг жорий мавсумидаги 24 та ўйинда 12 та гол урди ва 1 та голли узатмани амалга оширди.
