Reportyor Dominik Severak muxlislarning «Pari Sen-Jermen» klubidagi ishlar holati haqidagi savollariga javob berdi. Suhbat davomida boshqa mavzular qatori ispaniyalik yarim himoyachi Fabian Ruis haqida ham so‘z bordi.

Severak Ruisning jamoada qolishi haqidagi ma’lumotlar bilan o‘rtoqlashdi. Bir necha kun oldin futbolchining agenti o‘z mijozi vataniga qaytishga qarshi emasligini ta’kidlagan edi.

«Ruis, Barkola va Luis Enrike shartnomalarini uzaytirishadi. Ruis bilan bog‘liq masala deyarli hal bo‘lgan, Barkola bo‘yicha ishlar ancha yaxshi ketmoqda, Enrike bilan esa prinsipial kelishuvga erishildi. Dembele bo‘yicha muzokaralar hali boshlangani yo‘q», — deya jurnalistning so‘zlaridan iqtibos keltiradi Le Parisien.

Ushbu mavsumda Ruis 24 ta o‘yinda ishtirok etib, 2 ta gol urdi va 3 ta golli uzatmani amalga oshirdi. Hozirda futbolchi tizzasidan olgan jarohatidan so‘ng tiklanish jarayonini o‘tamoqda.