Madridning «Real» klubi himoyachisi Antonio Ryudiger La Liganing 26-turida «Xetafe»ga qarshi o‘yinda (0:1) sodir bo‘lgan holat haqida fikr bildirdi. Uchrashuv davomida Ryudiger «Xetafe» futbolchisi Diyego Rikoning yuziga tizzasi bilan tegib ketgan edi.

«Men epizodning sekinlashtirilgan takrorlarini ko‘rdim, u juda yomon ko‘rinadi. Lekin voqeaning o‘ziga qarasak… Men u bilan tortishmoqchi emasman, ammo men uni o‘ldirmadim. Kontaktni ortiqcha bo‘rttirish kerak emas, chunki agar men ataylab zarba bermoqchi bo‘lganimda, uni jarohatlab qo‘yardim. O‘yindan keyin u bilan gaplashdim. Meni maydondan haydashmadi, bu qizil kartochka emas edi va men hech qachon unga zarar yetkazishni istamaganman. Men qattiq o‘ynashni yoqtiraman, ammo men kesib o‘tmaydigan chegaralarim bor. Shuning uchun Rikoning bu holat haqidagi bayonotlari biroz bo‘rttirilgan deb o‘ylayman», — deya Ryudigerning so‘zlarini keltiradi AS nashri.

Hodisa o‘yinning 26-daqiqasida sodir bo‘ldi. Diyego Riko to‘p bilan qanotdan harakatlanayotganda Arda Gyuler bilan kurashda yiqildi. Keyinchalik epizodga qo‘shilgan Ryudiger yiqilayotgan paytida chap tizzasi bilan avval raqibining yelkasiga, so‘ngra esa jag‘iga tegdi. Riko yuzini ushlab oldi va o‘yin to‘xtatildi. Hakam Alexandro Munis Ruis maydonga shifokorlarni chaqirdi, ammo qoidabuzarlik qayd etmadi.

O‘yindan keyin Riko shunday degan edi: "Agar u Ryudigerning o‘rnida bo‘lganida, kamida 10 o‘yinga diskvalifikasiya olishi mumkin edi".