Fabrisio Romanoning xabar berishicha, «Manchester Yunayted» Kobbi Maynu bilan yangi uzoq muddatli shartnoma imzolashga yaqin turibdi. Muzokaralar yanvar oyidan beri ijobiy davom etmoqda.

Yarim himoyachi Maykl Kerrik qo‘l ostida jamoaning asosiy figurasiga aylandi. Bu esa klubni futbolchining kelajagini ta’minlash maqsadida yaxshilangan shartlar asosida 2031 yilning iyunigacha mo‘ljallangan shartnoma taklif qilishga undadi.

Yakuniy tafsilotlar hali kelishilayotgan bo‘lsa-da, muzokaralar ilg‘or bosqichda ekani va «Yunayted» tez orada kelishuv yakunlanishiga ishonchi komil ekani aytiladi. Maynu bilan yangi shartnoma imzolanishi klubning uzoq muddatli rejalaridagi muhim qadam va futbolchining asosiy tarkibdagi o‘rni tobora ortib borayotganining isboti sifatida ko‘rilmoqda.

Ruben Amorim iste’foga chiqarilganidan so‘ng, Maynu Maykl Kerrik boshchiligidagi barcha o‘yinlarni asosiy tarkibda boshladi. U joriy mavsumda jami 24 ta uchrashuvda maydonga tushib, o‘z hisobiga uchta golli uzatmani yozdirib qo‘ydi.