Shu yozda AQSH, Kanada va Meksika yashil maydonlarida Jahon chempionati bahslari bo‘lib o‘tadi. Ukraina terma jamoasi pley-offning hal qiluvchi bahsida Shvesiyaga 1:3 hisobida imkoniyatni boy bergach, Mustaqil Davlatlar Hamdo‘stligidan faqatgina bir jamoa mundialda ishtirok etishi oydinlashdi.
Gap o‘z tarixida ilk bor dunyoning eng yirik futbol forumida qatnashadigan O‘zbekiston milliy terma jamoasi haqida ketmoqda.
JCH-2026 guruh bosqichida O‘zbekiston terma jamoasi Kolumbiya va Portugaliyaga qarshi maydonga tushadi. Vakillarimizning uchinchi raqibi kim bo‘lishi esa bir necha kundan so‘ng aniqlanadi.
Eslatib o‘tamiz, amaldagi Jahon chempioni Argentina terma jamoasi hisoblanadi.
