Yozgi transfer oynasining ochilishiga oz vaqt qolmoqda. Madridning «Real» klubi oldida turgan asosiy maqsadlardan biri maydon markazini kuchaytirishdan iborat.
«Real»ning e’tibor markazida bo‘lib turgan yarim himoyachilar orasida «Nyukasl» a’zosi Sandro Tonali ham bor. AS nashrining xabar berishicha, Tonalining agenti futbolchi xizmatlarini Madrid klubi prezidenti Florentino Peresga taklif qilgan.
25 yoshli Sandro Tonalining qiymati Transfermarkt portali tomonidan 80 million yevroga baholanmoqda. Avvalroq matbuotda italiyalik futbolchiga Premyer-liga grandlari — «Manchester Siti» va «Manchester Yunayted» qiziqish bildirayotgani haqida xabarlar tarqalgan edi.
Joriy mavsumda Tonali 47 ta o‘yinda maydonga tushib, o‘z hisobiga uchta gol va yettita golli uzatmani yozdirib qo‘ydi.
