«Barselona» hujumchisi Ferran Torres Ispaniya La Ligasining joriy mavsumida gol urish uchun yaqqol imkoniyatlarni boy berish bo‘yicha yetakchilik qilmoqda.
26 yoshli ispaniyalik futbolchi 19 ta «katta» imkoniyatdan foydalana olmadi — bu chempionatdagi eng yomon ko‘rsatkichdir, deb qayd etmoqda WhoScored nashri. Ikkinchi o‘rinda «Vilyarreal» a’zosi Jorj Mikautadze (18 ta) bormoqda, keyingi pog‘onani esa «Malyorka» hujumchisi Vedat Muriki (16 ta) egallab turibdi. Madridning «Real» klubi yulduzi Kilian Mbappe va «Barselona» hujumchisi Robert Levandovski 15 tadan aniq golli vaziyatni ko‘kka sovurgan holda to‘rtinchi o‘rinni bo‘lishib turishibdi.
La Liga to‘purarlar ro‘yxatida Ferran Torres 12 ta gol bilan beshinchi o‘rinni egallab turibdi. Eng yaxshi to‘purar esa Kilian Mbappe bo‘lib qolmoqda — uning hisobida 23 ta aniq zarba mavjud.
