Londonning «Arsenal» klubi bosh murabbiyi Mikel Arteta jamoa vingeri Bukayo Saka haqida o‘z fikrlari bilan o‘rtoqlashdi.

«U tez orada o‘zining eng yaxshi sport formasiga qaytadigan ishonchim komil. Men u bilan gaplashib oldim va mavsum yakunida hamma faqat oxirgi qismda qilgan ishlarimizni eslab qolishini aytdim. Mana shu so‘nggi sakkiz hafta ichida biz o‘zimizni eng yaxshi tomondan ko‘rsatishimiz kerak. Aynan hozir vaziyatga ta’sir o‘tkaza oladigan payt keldi», — deya Artetaning so‘zlarini jurnalist Fabrisio Romano keltirmoqda.

Joriy mavsumda 24 yoshli Saka barcha turnirlarda 42 ta uchrashuvda maydonga tushib, 10 ta gol urdi va 7 ta golli uzatmani amalga oshirdi.