Andijondagi «Bobur arena»da yana katta futbol oqshomi. «Burgutlar» o‘z maydonida Namanganning «Navbahor» jamoasini qabul qiladi.

Har doim ushbu klublar ishtirokidagi o‘yin alohida qiziqish uyg‘otadi.

O‘tgan yili birinchi davrada Namanganda bo‘lib o‘tgan bahs 2:2 hisobida yakunlangan. Ikkinchi davradagi o‘yinda esa «Navbahor» safarda 1:0 hisobida g‘alaba qozongan.

Jamoalar milliy chempionat doirasida shu kunga qadar 58 marta o‘zaro to‘qnash kelgan. «Andijon» 13 ta, «Navbahor» esa 28 ta g‘alabaga ega. Yana 17 ta uchrashuv durang bilan yakunlangan. To‘plar nisbati 59:83, namanganliklar foydasiga.