Angliyaning «Tottenxem Xotspur» klubi o‘z rasmiy saytida Roberto De Dzerbi murabbiylar shtabining to‘liq tarkibini e’lon qildi.
«Markattilio Markattili va Marchello Kvinto jamoaga mos ravishda jismoniy tayyorgarlik bo‘yicha murabbiy va futbolchilarning professional rivojlanishi bo‘yicha katta murabbiy sifatida qo‘shilishdi.
Marko deb ham ataladigan Markattilio o‘z ishiga boy tajriba olib kiradi. U Roberto bilan hamkorlikni 2015 yilda Italiyaning «Fodja» klubida boshlagan va o‘shandan beri doimiy ravishda uning shtabidan joy olib kelmoqda.
Marchello esa oxirgi uch yil davomida Roberto bilan «Brayton end Xouv Albion» va «Marsel»dagi faoliyati davomida yaqindan hamkorlik qilgan.
Markattilio va Marchello murabbiylar shtabi safini kengaytirishdi. Hozirda shtabdan Bruno Saltor (bosh murabbiy yordamchisi), Andreas Georgson (bosh murabbiy yordamchisi), Kemeron Kempbell (individual rivojlanish bo‘yicha murabbiy) va Fabian Otte (darvozabonlar murabbiyi) o‘rin olgan. Ularga Styuart Lyuis va Din Brill ko‘maklashishda davom etadi», — deyiladi klub xabarida.
