Rafael Leauning sha’niga aytilayotgan navbatdagi keskin tanqidlar to‘lqini fonida Rimning «Lasio» klubi sobiq futbolchisi, braziliyalik Ernanes ham o‘z fikrini bildirishga qaror qildi. Uning hisoblashicha, Stefano Pioli jamoasining qahramoni bo‘lgan Leau o‘sha tarkibning boshqa bir muhim o‘yinchisi — Teo Ernandesning ortidan jamoani tark etishi kerak edi. Eslatib o‘tamiz, Teo o‘tgan yili Yaqin Sharqdan bo‘lgan chorlovlarga javob berib, klubdan ketgan edi.
«Menimcha, Leau uchun o‘shanda Teo bilan birga ketish yaxshiroq bo‘lardi. U hech bo‘lmasa Allegri qo‘l ostida o‘zi uchun juda zarur bo‘lgan oldinga qadamni tashlaydi deb umid qilgandim. Ammo bu sodir bo‘lmadi. Sabr kosasi to‘lib bormoqda», — deya Ernanesning so‘zlarini keltirmoqda pianetamilan.it.
Ma’lumot uchun, Rafael Leau 2019 yildan beri «Milan» sharafini himoya qilib kelmoqda.
