Рафаэл Леаунинг шаънига айтилаётган навбатдаги кескин танқидлар тўлқини фонида Римнинг «Лацио» клуби собиқ футболчиси, бразилиялик Эрнанес ҳам ўз фикрини билдиришга қарор қилди. Унинг ҳисоблашича, Стефано Пиоли жамоасининг қаҳрамони бўлган Леау ўша таркибнинг бошқа бир муҳим ўйинчиси — Тео Эрнандеснинг ортидан жамоани тарк этиши керак эди. Эслатиб ўтамиз, Тео ўтган йили Яқин Шарқдан бўлган чорловларга жавоб бериб, клубдан кетган эди.
«Менимча, Леау учун ўшанда Тео билан бирга кетиш яхшироқ бўларди. У ҳеч бўлмаса Аллегри қўл остида ўзи учун жуда зарур бўлган олдинга қадамни ташлайди деб умид қилгандим. Аммо бу содир бўлмади. Сабр косаси тўлиб бормоқда», — дея Эрнанеснинг сўзларини келтирмоқда pianetamilan.it.
Маълумот учун, Рафаэл Леау 2019 йилдан бери «Милан» шарафини ҳимоя қилиб келмоқда.
