«PSJ» yarim himoyachisi Vitinya o‘tgan yili jamoaning chempionlik va Chempionlar ligasidagi g‘alabasida muhim rol o‘ynagan edi. U hozir ham buni davom ettirmoqda — Vitinya jamoa o‘yinini nazorat qiluvchi asosiy figuraga aylangan.
Buning isboti sifatida uning Chempionlar ligasida o‘rnatgan yangi rekordini keltirish mumkin — futbolchi musobaqaning joriy mavsumida 1319 ta uzatmani amalga oshirdi. «Liverpul»ga qarshi kechgan bahsda u Xavi Ernandesning «Barselona»dagi so‘nggi mavsumida (2014/2015) o‘rnatgan natijasini yangilashga muvaffaq bo‘ldi.
O‘shanda Xavi butun musobaqa davomida 1299 ta uzatmani amalga oshirgan edi. Eslatib o‘tamiz, o‘sha mavsumda «Barselona» hozircha o‘z tarixidagi oxirgi bo‘lib turgan YECHL g‘olibligini qo‘lga kiritgan edi.
