Seshanba kuni Chempionlar ligasi chorak finali doirasida «Barselona» va Madridning «Atletiko» jamoalari o‘rtasida javob uchrashuvi bo‘lib o‘tadi.
«Ko‘k-anorranglilar» yarim finalga chiqish uchun ikkita to‘p farqini yo‘qqa chiqarishlari kerak — dastlabki bahsda ular o‘z maydonlarida 0:2 hisobida imkoniyatni boy berishgan edi. Jurnalist Gabriel Sansning xabar berishicha, kataloniyaliklar ustozi Xans-Diter Flik Madridga barcha futbolchilarni, jumladan jarohatlanganlarni va diskvalifikasiya qilingan Pau Kubarsini ham olib ketmoqchi. Nemis mutaxassisining fikricha, bu chora muhim bahs oldidan jamoaviy ruhni mustahkamlaydi.
Eslatib o‘tamiz, «Barselona» o‘z maydonida kechgan o‘yinning birinchi bo‘limi oxirida Kubarsining chetlatilishi sababli bir kishi kam bo‘lib qolgan edi — aynan shu sababli u javob uchrashuvini o‘tkazib yuborishiga to‘g‘ri keladi.
