«Barselona» Chempionlar ligasi 1/4 finali doirasida Madridning «Atletiko» klubiga qarshi kechadigan javob uchrashuviga tayyorgarlik ko‘rmoqda.
«Ko‘k-anorranglilar» dastlabki bahsda 44-daqiqadan boshlab bir kishi kam bo‘lib o‘ynashdi va «matraschilar»ga imkoniyatni boy berishdi (0:2). Marca nashrining xabar berishicha, Madriddagi hal qiluvchi o‘yin oldidan «Barselona» kiyinish xonasida o‘zgacha muhit hukm surmoqda — futbolchilar juda yuqori motivasiyaga ega va o‘z kuchlariga ishonishmoqda. Jamoa a’zolari ikkita to‘p farqini yo‘qqa chiqarib, yarim finalga yo‘l olishga qodirmiz, deb hisoblashmoqda.
Kataloniyaliklar uchun safarda kechadigan «Atletiko»ga qarshi bahs seshanba kuni, 14 aprelda bo‘lib o‘tadi. Ushbu qarama-qarshilik g‘olibi yarim finalda Londonning «Arsenal» yoki Lissabonning «Sporting» jamoalaridan biri bilan to‘qnash keladi.
