Seshanba kuni «Atletiko Madrid» va «Barselona» Chempionlar Ligasi 1/4 final javob uchrashuvida maydonga tushadilar. Ushbu muhim o‘yin oldidan «ko‘k-anorranglilar» sobiq yulduzi Ronaldinyo ijtimoiy tarmoqlarda o‘z jamoasini qo‘llab-quvvatladi.
«Olg‘a, kambek sari! Olg‘a, „Barselona“!» — deb yozib qoldirdi Ronaldinyo.
Eslatib o‘tamiz, o‘tgan haftada bo‘lib o‘tgan dastlabki bahsda «Barselona» o‘z uyida «Atletiko»ga 0:2 hisobida imkoniyatni boy berib qo‘ygan edi.
Bugungi javob o‘yini Madridda bo‘lib o‘tadi va «Barselona» yarim finalga chiqish uchun kamida ikki to‘p farqi bilan g‘alaba qozonishi keyin esa qo‘shimcha vaqt yoki penaltilar seriyasiga umid qilishi shart.
O‘yin Toshkent vaqti bilan tungi soat 00:00 da boshlanadi. To‘qnashuv g‘olibi YECHL yarim finaliga yo‘l oladi.
