Argentinalik Xavyer Maskerano «Inter Mayami» bosh murabbiyi lavozimini tark etdi. Bu haqda MLS klubi matbuot xizmati rasman xabar berdi.
Maskerano Florida jamoasini qariyb bir yarim yil davomida boshqardi — u 2025 yil boshida klub ustoziga aylangan edi. Argentinalik mutaxassisning amaldagi shartnomasi bo‘yicha klubda yana bir yarim yillik faoliyati qolgan edi.
MLSning o‘tgan mavsumi yakunlariga ko‘ra, «Inter Mayami» muntazam chempionat doirasida Sharqiy konferensiyada uchinchi o‘rinni egallagan, pley-offda esa finalga qadar yetib borib, unda «Vankuver Uaytkeps» jamoasini mag‘lub etgandi (3:1). Joriy mavsumda esa yettita o‘yindan so‘ng «Inter Mayami» Sharqiy konferensiyada yana uchinchi pog‘onani egallab turibdi.













