Аргентиналик Хавьер Маскерано «Интер Майами» бош мураббийи лавозимини тарк этди. Бу ҳақда МЛС клуби матбуот хизмати расман хабар берди.
Маскерано Флорида жамоасини қарийб бир ярим йил давомида бошқарди — у 2025 йил бошида клуб устозига айланган эди. Аргентиналик мутахассиснинг амалдаги шартномаси бўйича клубда яна бир ярим йиллик фаолияти қолган эди.
МЛСнинг ўтган мавсуми якунларига кўра, «Интер Майами» мунтазам чемпионат доирасида Шарқий конференцияда учинчи ўринни эгаллаган, плей-оффда эса финалга қадар етиб бориб, унда «Ванкувер Уайткэпс» жамоасини мағлуб этганди (3:1). Жорий мавсумда эса еттита ўйиндан сўнг «Интер Майами» Шарқий конференцияда яна учинчи поғонани эгаллаб турибди.
