«Liverpul»ning sobiq himoyachisi Jeymi Karrager Madridning «Atletiko» klubi o‘yini haqida o‘z fikrlari bilan o‘rtoqlashdi.

«Atletiko»ning ajoyib stadioni bor. Bu men chin dildan xayrixohlik his qiladigan klub. Ular 2014 va 2016 yillarda Chempionlar Ligasi finalida ikki bor mag‘lub bo‘lishgan va men o‘sha ikkala o‘yinda ham stadionda edim. Ularning yanada oldinga qadam tashlab, Chempionlar Ligasida g‘olib chiqishini mamnuniyat bilan kuzatgan bo‘lardim.

Simeone ancha vaqtdan beri «Atletiko»ni boshqarib kelmoqda. Bir klubda shuncha vaqt qolish va shu bilan birga natija ko‘rsatishda davom etish — bu shunchaki hayratlanarli. Shuncha yillardan keyin ham u o‘z g‘oyalarini futbolchilarga qay darajada yetkaza olishi — u haqiqiy afsona», — deya Karragerning so‘zlarini CBS Sports nashri keltirmoqda.

Eslatib o‘tamiz, «Atletiko» chorak finalda ikki o‘yin natijasiga ko‘ra «Barselona»ni 3:2 hisobida mag‘lub etib, Chempionlar Ligasi yarim finaliga yo‘l oldi.