«Real» rahbariyati hujumchi Vinisius Junior bilan yangi shartnoma imzolashni rejalashtirmoqda, deb xabar beradi Marca nashri.

Manba bergan ma’lumotlarga ko‘ra, yaqin vaqt ichida 25 yoshli braziliyalik futbolchi va uning agenti bilan muzokaralar boshlanadi. Futbolchi 2018 yilda Madrid klubiga o‘tgan edi. Vinisiusning 2027 yil yozigacha mo‘ljallangan amaldagi shartnomasi 2023 yilda imzolangan.

Transfermarkt portali futbolchining qiymatini 150 million yevroga baholamoqda.

Ushbu mavsumda braziliyalik vinger 47 ta o‘yinda maydonga tushib, 17 ta gol urdi va 14 ta golli uzatmani amalga oshirdi.