Hujumchi Endrikning Madridning «Real» klubidan ijara asosida o‘tishi ortidan Braziliyada «Lion»ning mashhurligi keskin oshdi.

L'Equipe nashrining xabar berishicha, 19 yoshli braziliyalik futbolchi jamoaga kelganidan beri CazéTV telekanalida «Lion» ishtirokidagi o‘yinlar auditoriyasi o‘n barobarga ko‘paygan va hatto «PSJ» ko‘rsatkichlaridan ham o‘zib ketgan. O‘rtacha hisobda «to‘quvchilar»ning (klub laqabi) o‘yinlarini Braziliyada 2,3 milliondan ortiq tomoshabin kuzatmoqda.

Endrik 1 yanvar kuni «Lion» a’zosiga aylangan edi. Fransiya chempionatidagi 11 ta o‘yinda u 3 ta gol urdi va 5 ta golli uzatmani amalga oshirdi.