Mari-Luize Eta «Union» boshqaruvidagi ilk o‘yinida mag‘lubiyatga uchradi.

Berlin jamoasi Bundesliganing 30-turida «Volfsburg»ga 1:2 hisobida imkoniyatni boy berdi. Bu 34 yoshli mutaxassis uchun erkaklar jamoasi bosh murabbiyi vazifasini bajaruvchi sifatida ilk bahs edi. Eta jamoani 12 aprel kuni qabul qilib olgandi.

Qayd etish joizki, «Union» o‘yin davomida raqibiga qaraganda darvoza tomon (25 ga qarshi 5) va darvoza sohasiga (7 ga qarshi 4) ko‘proq zarbalar yo‘lladi.

Hozirda «Union» Germaniya chempionati turnir jadvalida 32 ochko bilan 11-o‘rinni egallab turibdi.