Uchta vazn toifasida sobiq mutlaq jahon chempioni, mag‘lubiyat nimaligini bilmaydigan amerikalik Terens Krouford o‘z faoliyatini qayta tiklamasligini yana bir bor ta’kidladi. Shu bilan birga, u boshqa bokschilar faqat u ketishga qaror qilganidan keyingina jangga chorlashni boshlaganini qayd etdi.
«Quloq soling, men faoliyatimni yakunladim va bundan juda mamnunman. Bu janglarning barchasi men faol sportchi bo‘lgan vaqtimda bo‘lib o‘tishi mumkin edi. Ularga omad tilayman. Ba’zi muxlislar uchun nima qilishimning ahamiyati yo‘q — ular meni shunchaki yomon ko‘rishadi. Men faol bo‘lgan paytimda hech kim meni jangga chorlamagan edi», — deya Kroufordning so‘zlarini keltiradi The Ring jurnali.
Eslatib o‘tamiz, o‘tgan yili Terens Krouford professional boksdagi faoliyatini yakunlaganini e’lon qilgan edi. U sportni 42-0 ko‘rsatkichi bilan, mag‘lubiyatsiz tark etdi. Krouford tarixda uchta vazn toifasida mutlaq jahon chempioni bo‘lishga erishgan ilk bokschiga aylandi.
