«Tottenxem» markaziy himoyachisi va sardori Kristian Romeroning klubdagi kelajagi mavhum bo‘lib qolmoqda. Caught Offside nashrining xabariga ko‘ra, 27 yoshli futbolchiga «Manchester Yunayted» asosiy da’vogarlardan biri bo‘lib turibdi.

Manbaning ta’kidlashicha, London klubi Romeroning ehtimoliy transferini 60–65 million yevroga baholamoqda. Argentinalik himoyachining vaziyatini Madridning «Atletiko» va «Real» klublari ham diqqat bilan kuzatib borishmoqda.

Joriy mavsumda Romero barcha musobaqalarda 32 ta o‘yinda maydonga tushib, 6 ta gol urdi va 4 ta golli uzatmani amalga oshirdi. Futbolchining «shporlar» bilan amaldagi shartnomasi 2029 yilning yoziga qadar mo‘ljallangan. Transfermarkt portali ma’lumotlariga ko‘ra, uning bozor qiymati hozirda 50 million yevroni tashkil etadi.