«Real Madrid» bosh murabbiyi Alvaro Arbeloa jamoasining joriy mavsumda chempionlikni qo‘lga kiritish imkoniyatlarini baholadi.

«La Ligadagi g‘alabami? Bizning maqsadimiz — «Barselona»ning natijalaridan qat’i nazar, qolgan barcha oltita o‘yinda g‘alaba qozonish. Biz bor e’tiborimizni har bir uchrashuvda zafar quchishga qaratganmiz, biroq chempionlik taqdiri faqat bizning qo‘limizda emas», — dedi Arbeloa.

Ayni damda «Real» Ispaniya chempionati turnir jadvalida 73 ochko bilan ikkinchi o‘rinda bormoqda. Madrid klubi peshqadam «Barselona»dan to‘qqiz ochkoga ortda qolmoqda. Ertaga, 24 aprel kuni «qaymoqranglilar» «Betis»ga qarshi maydonga tushishadi. Bundan tashqari, jamoalarni 10 may kuni o‘zaro to‘qnashuv (El-Klasiko) kutib turibdi.