Madridning «Real» klubi sobiq hujumchisi Karim Benzema Ispaniya klubidagi hozirgi holat haqida gapirdi va «PSJ» jamoasiga o‘z bahosini berdi.

«Hozirgi paytda «PSJ» dunyoning eng yaxshi klublaridan biri. Qog‘ozda ularga «Real»dagidek yulduzlar kuchi yetishmayotgandek tuyulishi mumkin, lekin ular haqiqiy jamoa sifatida ishlashmoqda. Zaxiradan maydonga tushadigan o‘yinchilar ko‘pincha asosiy tarkib futbolchilaridan ko‘ra ko‘proq ta’sir o‘tkazishmoqda», — dedi Benzema dunyoning eng yirik ijtimoiy tarmoqlaridan biridagi jonli efir vaqtida.

«U yerda ulkan «ego» (manmanlik) yo‘qligi sababli futbolchilar erkinroq harakat qilishmoqda. Hujumga o‘tayotgan futbolchi bor kuchini beradi va jamoadagi boshqalar ham xuddi shunday qattiq mehnat qilishadi. «Real»da esa hammasi murakkab. U jamoa sifatida ishlamayapti, o‘zaro muloqot yetishmayapti. Xohlasangiz murabbiyni almashtiring, lekin asosiy muammo yo‘qolmaydi», — deya ta’kidladi fransiyalik yulduz.

Eslatib o‘tamiz, hozirda Benzema Saudiya Arabistoni chempionatida «Al-Hilol» sharafini himoya qilmoqda.